Америцькый презідент Доналд Трамп продовжував в розпосыланю листів країнам, на котры рішыв од авґуста увалити высшы довозны цла. Тот раз їх послав шестьом штатам, чім чісло країн звекшыв на 20. Інформовала о тім аґентура DPA. Трамп опубліковав листы на своїй соціалній сіті Truth Social, причім в рамках уведженой шесткы є і єден штат з Европы, і то Молдавія. На товары з Молдавії планує завести од 1-го авґуста довозне цло у вышці 25 %. (TASR, Пкф)