Мадярьскый премєр Віктор Орбан вів у середу телефонічный розговор з україньскым презідентом Володиміром Зеленьскым, інформовав аґентуру MTI Орбанів говорця Берталан Гаваші. Обидвоми бісідовали о важных вопросах мадярьско-україньскых односин. Головнов темов быв подля Гавашія вопрос „войны і міру“. Орбан повів, же його країна є приготовлена помочі ку каждій ініціатіві і актівности, котра буде вести ку мірному рішіню. Політіци ся згодли, же будуть продовжати в білатералных конзултаціях.  Зеленьскый написав на соціалній сіті, же мав довгый і смыслуповный розговор з мадярьскым премєром, котрого позвав на мірный саміт приготовльованый в юні у Швейцарії. Доповнив, же темов была і інтеґрація Україны до Европской унії. Подля властных слов є пересвідченый, же скорый вступ до Унії буде мати хосен про Україну і Мадярьско.

(Медвідь, TASR)