У звязку з продовжуючім сухом і гарячов погодов выголосили окресны уряды в Кежмарку і Попраді на теріторії, котра є в справі Лісів міста Кежмарок дочасный заказ вступу на лісны фундушы. ‟Дотулять ся то лісів в околиці міста Кежмарок, як і фундушів в катастрі  села Стране під Татрами, Млінчекі, Ракусі і Татранска Ломніца. Є заказане хоцьяке рушаня по лісных фундушох з цільом наприклад турістикы, станованя, зберу лісных плодів, кемпованя і ціклотурістикы,‟ увів Юрай Кулік з Лісів міста Кежмарок. Додав, же заказ ся недотулять вызначеных турістичных пішників і ціклотрас. Лісници жадають о строге дотримуваня приказу, протоже пожары, і кедь заложены ненароком, суть прічінов окрім іншого великых господарьскых шкод і неґатівні впливають на фавну і флору. (TASR, Пкф)