x

Міністерка школства є з розрахунком спокійна

00

Міністерка школства, наукы, досліджіня і шпорту Мартіна Лубійова є з пропозіційов розрахунку про свій резорт на 2019-ый рік спокійна. Як повіла про TASR, на оціньованя і платы буде о майже 200 міліонів веце як тот рік. „Єм спокіна. В Народнім проґрамі маєме написано, же будеме масівно дофінанцовавати школство так, жебы сьме ся приближыли ку найрозвитішім державам світа, якыма суть країны OECD, і можу повісти, же в розрахунку на 2019-ый рік буде майже о 200 міліонів веце на оціньованя, платы учітелів, науковців, бадателів і підниманя їх платовых таріфів, што затля не видіти в таблічках дежавного розрахунку, бо тоты грошы были доїднаны по тім, як в маї зачав выникати розрахунок, але суть схвалены в Народнім проґрамы розвитку выховы і освіты,“ повіла міністерка. Резорт школства бы мав мати у 2019-ім році к діспозіції 1,36 міліарды евр, з чого бы 1,26 міліарды мало быти з державного бюджету і штруктуралных фондів включно співфінанцованя державов в сумі 88,8 міліона евр.
(Медвідь, TASR)
Фото: TASR