В шестьох локалітах в Гуменнім в попередніх днях прибыли малы бібліотекы на діліня ся з книгами. Книжковы будкы зробило обчаньске здружіня HumnoArt в рамках тогорочного партіціпатівного розрахунку міста Гуменне. Цільом будок є зліпшыти приступ ку книгам про чітателів вшыткых віковых і соціалных ґруп, зато суть наіншталованы на сідлисках і в парках. Як інформовав Маріян Шкуба з пресового одділіня Містьского уряду в Гуменнім, кажда з будок є інша. До єдной вмістить ся приблизно 35 аж 40 книг, на каждій є і таблічка з інформаціями як єй хосновати. Суть на них і тексты о вызначных авторах і літературных творах з реґіону.

(Медвідь, SITA)