Зреконштруованый памятник павшым воякам в першій світовій войні в подобі сохы лева в суботу славностні одкрыли в Ґіралтівцях в окресі Свідник. На другу етапу обновы споминаной културной памяткы приспіло місто Ґірлатівці і мадярьскый ґенералный конзулат сумов по 5000 евр. Споминаный памятник быв втогды одкрытый перед будовов тогдышнього окресного суду 25-го авґуста 1918-го року. “Зуб часу“ за веце як 100 років і два пересуны в 70-ых і 80-ых рокох 20-го століття подля радниці пошкодило пластіку натілько, же про захованя одказу ся ю вырішыли зрештавровати. Суботняйша славность при памятці перед ґрекокатолицькым храмом ся одбыла за участі представителів міста і містьскых інштитуцій, мадярьского ґенералного конзулату і дальшых гостей. Тяжкы бої на северовыходній Словакії ся одбывали од кінця 1914-го  до яри 1915-го року, причім руськы войска поступовали по Шарішскый Щавник і фронт ся заставив аж при селі Округле близько Ґіралтовець. Джерело: www.facebook.com/ladislav.lukac.3  (TASR, Пкф)