x

Орбан рекомендовав Молдавску што найузшу сполупрацу з ЕУ

00

Мадярьско буде і надале підпоровати Молдавію в інтеґрачных вопросах, выголосив то у четверь в молдавскім Кішінёви председа мадярьской влады Віктор Орбан по стрічі з молдавскым премєром Іоном Хіцом. ,,Не є просте в рамках Европской унії просаджовати народны інтересы, але є лїпше быти в нєй і з даныма тяжкостями, як быти мімо нєй,“ повів Орбан, котрый рекомендовав Хіцови што найузше сполупрацовати з Уніёв, інформовала о тім аґентура MTI. Подля мадярьского міністерского председу інтересом цїлой ЕУ є, жебы вытворила стратеґічне партнерство з країнами, котры суть за єй выходнёв граніцёв.

(TASR, Шутіова)