Серьбска покрокова партія  (SNS) презідента Александра Вучіча ся стала ясным переможцьом недільняйшых передчасных парламентных волеб в Сербії. Подля проєкції  інштітутів CeSID і IPSOS здобыла 46,6 процента голосів. О два перцентуалны  пункты веце як перед 17 місяцями, што бы єй в 250-членнім законодарнім зборі забезпечіло абсолутну векшыну 129 кресел. Інформувала о тім аґентура DPA. Ліберална опозиція, котра на теперь кандідовала вєдно як волебна аліанціа Сербія проти насилю, здобыла 23 процентів голосів і може рахувати із 64 мандатами. На третім місці скінчіла Соціалістична партія Сербії (SPS)  міністра заграничных справ Івіцу Дачіча із семыма процентами голосів і 18 мандатами, котра є од року 2012 в коаліції зо SNS. До парламенту ся достали і дві меншы націоналістичны партії, котры здобыли 4,9 і 4,8 процентів голосів, што їм забезпечіло по 13 мандатів. (TASR, Pkf)