2-го юла, у віці 55 років одышов до русиньского неба наш довгорічный колеґа, приятель,  русиньскый редактор Боґдан Ґамбаль, основатель і шефредактор першого русиньского інтернетового радія ЛЕМ.фм, носитель Ордена Адолфа Добряньского. Його заслугов была по револуції обновлена і найстарша русиньска орґанізація в Польщі – Стоваришыня Руська Бурса в Ґорліцях. Похорон Боґдана Ґамбаля ся одбуде в середу 8-го юла о 12-ій годині в польскім місті Любін, в ґрекокатолицькій церькви святых апостолів Петра і Павла.  Вічная йому память і блаженый покій. (А. Кузмякова)