9-го марца, на Першу неділю Великого посту, в Ґрекокатолицькім храмі святого Йоана Павла ІІ. в селі Быстре одбыло ся посвячіня нового іконостасу. Іконостас посвятив Высокопреосвященый Йона, пряшівскый архієпікоп і митрополіта за участи священиків із протопресвитеріяту Ганушівці над Топльов, запрошеных гостів і віруючіх парохії. В проповіді кір Йона акцентовав важность ікон в духовнім жывоті. На кінцю домашній парох і ганушівскый протопресвитер – отець Павол Семан, подяковав владыкови Йонови і вшыткым, котры будьякым способом взяли участь на тім, жебы храм мав свій іконостас.

(Медвідь, ISPA)