x

Мадярьско Русинам в припаді потребы поможе

00

„Покля Україна не вызнавать лоялну русиньску комуніту, потім єй мадярьска влада в припаді потребы прийме і поможе Русинам за граніцями,“ повів на торжественній події посвячіня і одкрытя Русиньского ґрекокатолицького центру державный секретарь із вопросів реліґійных і націоналных звязків Канцеларії премєрміністра Мадярьска Мікловш Шолтес. Новый русиньскый центер быв одкрытый в районі Йовжа в місті Дебрецин у пятніцю 26-го апріля. Шолтес припомянув, же по роспаді Совітьского союзу Мадярьско меджі першыма вызнало незалежну Україну, підтримало їй намагы о меджінародну інтеґрацію, зробило гранічны переходы і дало гуманітарну поміч, кедь требало і не робило різніцю меджі Мадярями, Русинами або Українцями на Україні. Шолтес на події крітіковав новый Закон о функціонованю україньского языка як державного языка, котрый у четверь 25-го апріля 2019-го року прияла Верьховна рада Україны. Державный секретарь додав, же є неприятельне, жебы сусідня держава, котра має тугу по европскій інтеґрації, до такой міры діяла проти народностей.

(Медвідь)