Совітьскы войска ся на теріторії бывшого Чеськословеньска находили ‟дочасні‟ 23 років од траґічной ночі з 20-го на 21-го авґуста 1968-го року, кедь армада пятьох штатів Варшавского договору – Совітьского союзу, Мадярьска, Булґарії, Полщі і Німецькой демократічной републикы – перекрочіли границі і зачали окуповати країну. Послідній транспорт перекрочів выходну границю Словакії 21-го юна 1991-го року. Посланці Народной рады СР вырішыли 3-го новембра 2020-го року о тім, же до списку памятных днів прибуде 21-ый юн як День одходу окупачных войск совітьской армады з Чесько-Словеньска. Список памятных днів ся єдночасно розшырив і о 21-ый авґуст як День жертв окупації Чесько-Словеньска. (TASR, Pkf)