Гібрідны актівности Російской федерації ся в інформачній, сполоченьскій і културній сфері влони на Словакії зінтензівнили. Їх цільом было творіня тиску на овпливньованя політічных рішінь о стратеґічных вопросах, сістематічне проглубльованя спорів у внутрішньосполоченьскім діскурзі ці пошырьованя пропаґанды. Так само прониканя до дежавного апарату. Выходить то із Справы о діялности SIS за 2021-ый рік. Як SIS інформує, в інформачній і сполоченьскій домені Росія продовжовала в підпорі пошырьованя прокремельскых наратівів і утримованя образу важности Російской федерації про захованя міру і безпечности в Европі, а і в самій Словацькій републіці. Росія сперала ся головно на історічный наратів, котрый плинуло проходив до крітікы позіцій і актівностей Унії, НАТО, а апеловав на історічну, културну і народну близкость словацького і російского народа.

(Медвідь, TASR)