Новым посланцом по смерти посканкынї Народной рады СР Анны Заборьской ся мать стати правник Іґор Душенка. Про TASR то увів шеф посланецького клубу Slovensko, Za ľudí, KÚ, до котрого Заборьска патрила, Михал Шіпош. Душенка бы ся мав хопити посланецького мандату в уводї найблизшой стрїчі парламенту, котра ся зачне 9. септембра. Душенка кандідовав в парламентных вольбах в роцї 2023 з 4. місця кандідаткы коаліції OĽANO, Kresťanská únia, Za ľudí.

(TASR, Шутіова)