Демокрація, охрана людьскых прав і слобод і слобода слова а прояву належать меджі годноты, котры сі мусиме хранити. Апеловав на то Уряд влады СР з нагоды 57. выроча воєньской інвазії войск Варшавской змлувы до Чехословакії. ,,Подїї авґуста 1968 ся стали єдным з найвызначнїшых медзників нашой модерной історії. Окупація значіла потиснутя надії на слободнїшу сполочность а принесла веце як дві десятьроча притомности чуджіх войск на нашій теріторії,“ увів на соціалній сїтї. Уряд влады зарівно припомянув, же протягом інвазії вступило на теріторію Чехословакії выше пів міліона вояків, тісячі танків і летадел. Повказав, на жертвы і зраненых. ,,Наслїдовав період такзваной нормалізації, котрый приніс навернутя ку строгій контролї сполочности, обновлїня цензуры а еміґрацію десятьтісячів людей. Окупація Чехословакії мала важны дослїдкы нелем на внутрїшнёполітічный розвиток, але і на меджінародне поставлїня країны, котре было позначене стратов довіры і сувереніты,“ додав.

(TASR, Шутіова)