Америцькый презідент Доналд Трамп вірить, же на основі воєньскых успіхів США і Ізраіля в Ірані бы ся дав выїднати договор, котрый бы хранив інтересы Ізраіля. Повів то ізраільскый премєр Бенъямін Нетанъягу в понедільок по розговорі із шефом Білого дому. „Нашы інтересы охраниме без огляду на обставины… єдночасно будеме продовжовати в атаках на Іран і Лібанон,“ підкреслив ізраільскый премєр. Повторив, же продовжуючі атакы „ничать ракетовый і ядровый проґрам“ Ірану, а так само „запричінюють тяжкы шкоды (лібаноньскому мілітантному руху) Гізбаллаг. Высловы премєра пришли курто по тім, як Трамп оголосив, же вів „барз добры“ переговоры із неменованым іраньскым представительом.

(Медвідь, TASR)