Облакы пороху зо Сагары покрыли вчера Атены і дальшы ґрецькы міста. Іде о єдну з найгоршых епізод, котры засягли країну од року 2018, ознамили то одборници. Інформує о тім пресаґентура AFP. По сильнім вітрі з югу покрыв жовтооранжовый опар  пару реґіонів, огранічів так відимость і уряды опубліковали варованя перед різіками з дыханям. Як увів Костас Лаґувардос, діректор дослідженя погоды в Атеньскім обсерваторію, же іде о єдну з найважнішых концентрацій пороху і піску зо Сагары од 21-го і 22-го марца 2018-го року, кідь облакы засягли главні остров Крету. Ґрецька метеролоґічна служба інформувала, же небо ся зачна выяснювати днешнім дньом, што ся і зачало діяти. (TASR, Pkf)