Америцькый презідент Доналд Трам а ёго російскый партнер Володїмир Путїн днесь пришли до вєтнамского міста Дананґ, де ся зашне двойднёвый саміт лідрів Азійско- тихоморьской господарьской сполупрацы – знама під скорочінём АПЕК. В АПЕКУ є здруженых 21 країн паціфіцького реґіону, котры творять приближнї 60 % ґлобалной господарьской продукції а жыє в них асі 40 % світовой популації. Ґрупа ся стрїчать раз до рока, все на іншім містї. На самітї ся будуть розоберати вопросы беспечности і обходу. Путїна і Трампа доповнять тоже лідры з Кітая, Канады, Японії або Австралії. Очековане окреме стрїтнутя презідентів США і Росії протягом саміту ся але не одбуде. Ознамила то говоркыня Білого дому Сараг Сандерсова.
(Зденка Цітрякова)