Очкованя вакцінов Спутник V бы ся мало зачати найпізнїше 7. юна, потвердив то міністер здравотництва Владїмір Ленґварьскый (номінант OĽANO). Доповнив, же втоды бы ся мав спустити і сістем вольного выберу вакціны. Бочны сімптомы суть подля нёго порівнательны як при вакцінї од компанії АстраЗенека. Спутник бы мав быти становленый про вікову катеґорію од 18 до 60 років. З резултатів лабораторных тестів, котры ся закончіли 16. апріля выходить, же у вшыткых  законченых параметрах контролёвана вакціна выговіла шпеціфікаціям документації выробцю. О безпечности вакціны ся подля міністра похыбовати не мусить.

(TASR, Шутіова)