Долна комора польского парламенту (Сейм) вчера одобрила на 30 дні вынятковый став в реґіонох, котры ся находять на границях з Білорусійов. Уж четверь го выголосив польскый презідент Андрзей Дуда про сітуацію повязану з приливом нелеґалных міґрантів. Інформувала о тім аґентура PAP. Тридцитьдньовый вынятковый став буде платити в 183 пограничных локалітах і на основі нього  в них будуть заказаны вшыткы турістичны екскурзії, културны і громадны акції і демонштрації. Причінов даного кроку є, абы могли пограничници, армада і поліція ефектівніше моніторувати сітуацію на границях з Білорусійов. Польща про крізу запричінену нелеґалнов міґраційов натягло поздовж границь з Білорусійов остнатый дріт і зачало і з будованям 2,5 метра высокого плота.  (TASR, Pkf)