Меджінародно признана влада в Тріполісі і лібійскый польный маршал Халіфа Гафтар на їднанях в Москві не договорили ся на вырішіню крізы в Лібії, но намагы найти рішіня будуть продовжовати. У віторок на пресконференції то повів російскый міністер загранічных діл Серґей Лавров. Інформовала аґентура ТАСС. Подля Лаврова ся не дішло до жадного резултату. В ночі на віторок на югу лібійской столиці Тріполіс обновили ся бої по тім, што Гафтар, котрый воює проти меджінародно признаной влады в Тріполісі, не підписав пропонованый договор о перемірю і одышов з Москвы. Договор подля Гафтара іґнорує веце пожадавок Лібійской народной армії.

(Медвідь, TASR)