x

В Києві одобрили пропозіцію закона о пріватізації штатного маєтку

00

Україньскый парламент одобрив у четвер в першім чітаню владну пропозіцію закона о пріватізації штатного маєтку. Цїлково 258 посланцїв з 450-членного парламенту голосовало за приятя пропозіції закона, причім потрїбных было найменше 226 голосів. Пропозіція становлює дефініцію термінолоґії, засады пріватізації, обєкты і предметы пріватізації і властности обєктів, котры не суть предметом пріватізації. Шеф місії Міджінародного менового фонду про Україну Рон фан Рооден іщі в юлу выголосив, же є начасї, жебы Києв вказав політічну волю а зачав пріватізовати штатны подникы.
(Зденка Цітрякова)