x

Автобус зо словацькым евіденчным чіслом в Мадярьску гаварував

00

Десять дітей і троє дорослых были пораненых вчера вечур при гаварії автобусу з особным автом на северовыході Мадярьска. За інформаціями аґентуры MTI автобус зо словацькым евіденчным чіслом вів дітей зо Словакії. Гаварія ся стала коло 17.00 год. на 19-ім кілометрі в Боршодско-абовско-земплінскій жупі. За інформаціями словацькой пресовой аґентуры TASR особне авто з незнамых причін перейшло на другый бік, де ся челні зразило з автобусом. В автобусі ся поранило девять діти легше і двоє дорослых, з котрых єден ся буде лічити вецей як вісем днів, то значіть, же його пораніня є важнішого характеру. Пораненых перевезли рятовниці до жупного шпиталю в Мішковці. Легше пораніня потерпіли двоє з трьох путуючіх в особнім авті, меджі нима была і єдна дитина. (TASR, Pkf)