Україньскый презідент Володимир Зелінскый обгайовав вчера на Уставнім суді свій вердікт розпустити парламент і выписати передчасны вольбы. Інформувала о тім аґентура AFP. „Наше становиско є з правного боку неспорне і моралне,“ выголосив Зелінскый перед судом, причім высловив пересвідченя, же суд прийме справодливый вердікт. Україньскый презідент у данім звязку тыж підчеркнув, же Українци „немають ниякого довіря в парламент“. Суд бы мав в данім предметі  за словами представителів Зелінского тіму зробити вердікт до 29. юна. Свій вердікт розпустити парламент ознамив новый презідент іщі 20. мая в часі свойой інавґурації і коротко на то підписав і декрет о розпущіню парламенту, причім термін передчасных волеб призначів на 21. юла. По тім, як дакотры аналітици призначили даный вердікт за протівуставный, вырішыла єдна ґрупа посланців го атакувати на Уставнім суді. Україньскый презідент Володимир Зелінкскый єдночасно  збавив функції 15-ох ґубернаторів і пожадав парламент о одкликаня ґенералного прокуратора Юрія Луценка. (TASR, Пкф)