Україньскый презідент Володимір Зеленьскый в понедільок повів, же з америцькым презідентом Доналдом Трампом в юловім телефонаті не бісідовав штілом „дашто за дашто“, інформовала аґентура Associated Press. Трамп подля дакотрых тверджінь жадав Зеленьского, жебы Україна зачала розсліджати родину його можливого протикандідата Джоа Байдена в презідентьскых вольбах у 2020-ім році вымінов за воєньску поміч Києву. Зеленьскый то теперь дементовав. Трамп на україньского презідента зареаґовав, же тым є припад запертый. В повязаню з телефонатом є голова Споєных штатів під тиском о імпічмент.

(Медвідь, TASR)