Тісячі противладных демонштрантів у Сербії в понедільок знова демонштровали проти влады презідента Александра Вучіча. В Белеграді поліція засяговала проти демонштрантів силов, і Вучіч повторив своє приобіцяня о планованім великім засягу проти протестуючіх, пише аґентура Associated Press. Сербскый лідер іщі в неділю оголосив тверды крокы односно противладных демонштрантів в реакції на дакілько днів тырваючі непокої в цілій Сербії. Аґентура припомнать, же припадны крокы Вучіч нияк не шпеціфіковав. В пондільпок так само повторяв, же демонштрації проти його влады суть орґанізованы Западом і цільом є зничіти Сербію, хоць ниґда ку тому не передложыв жадны доказы.

(Медвідь, TASR)