В понедільок одбыли ся переговоры америцького презідента Доналда Трампа з україньскым презідентом Володиміром Зеленьскым і европскыма лідерами в Овалнім кабінеті в Білім домі. Трамп почас переговорів інформовав, же шеф Кремля Владимір Путін быв згодный з тым, жебы западны країны дали Україні безпечностны ґаранції. Европскы державы за словами Трампа будуть мусити в такім припаді нести велику часть того „бремена“, інформує аґентура AFP. Французьскый презідент Еммануел Макрон в Білім домі вызвав на штиристоронный саміт із участьов Україны, Росії, США і Европы з цільом досягнути мір і безпечностны ґаранції про Україну. Споєны штаты подля Трампа придають ся ку безпечностным ґаранціям як части договору о закінчіню войны з Російов. Зеленьскый в понедільок выголосив, же є одкрытый зорґанізованю волеб на Україні, але голосованя мусить проходити в безпечных условіях.

(Медвідь, TASR)