x

ЕУ хоче з Фонду солідаріты вычленити фінанції про членьскы штаты, котры засягли природны катастрофы

00

Европска комісія у четвер запропоновала вычленити з Фонду солідаріты ЕУ 34 міліонів евр про чотыри членьскы штаты, котры в роцї 2017 засягли природны катастрофы. Суть то штаты Ґреція, Польща, Літва і Булгарія. Пінязї з фонду будуть мочі поужыти на підпору обновы зніченой інґраштруктуры і на уграду дакотрых накладів на захранны службы, дочасне уквартелёваня ці чіщіня і охрану културной дїдовизны з цїлём знижити фінанчный тиск, котрый є на дакотры внутроштатны орґаны членьскых країн по природных катастрофах робленый. Пропозіція Европской комісії мусить быти одобрена іщі Европскым парламентом і Радов Европской унії.
(TASR)