СНМ – Музей русиньской културы в Пряшові в рамках розшырьованя свого збіркового фонду  обернув ся з великов просьбов на вшыткых Русинів в нашім реґіоні,  котры мають дома розмаїты старшы предметы. Іде о розмаїтый матеріал прямо повязаный із жывотом Русинів, котрый бы могли понукнути нашому музею. В припаді інтересу, є можность контактувати ся на чіслі телефону 0908 319 820, або на мейловій адресі  peter.kimak@snm.sk , жебы ся договорити на далшых кроках – терміні стрічі з цільом посуджіня даного матеріалу. СНМ – Музей русиньской културы в Пряшові є наймолодшым музеом на Словакії, взникло 1-го янураря 2007-го року з цілословацькым діяням. Є то документачна, науководослідницька і методична інштитуція заміряна на історію і културу русиньского етніка на Словакії. Його цільом є цілевідоме здобываня, охранюваня, наукове і одборне спрацюваня і сприступньованя музейных збірок, котры докладають розвиток матерялной і духовной културы Русинів в Словакії і у світі. (Пкф)