x

Ердоґдан бісідовав із Путіном

00

Міністры загранічных діл Ірану, Росії і Турції стрітнуть ся о два тыждні в Казахстані, жебы пригортовити обставины про саміт о Сірії в Істанбулі. З одкликаньом ся на іраньского міністра загранічных діл Могамада Джавда Заріфа о тім в понедільок інформовала аґентутра ТАСС. Іран, Росія і Турція, значіть державы ґарантуючі дотримованя договору о позаставліню стріляня в Сірії, оголосили кінцьом януара на міровій конференції в російскім місті Сочі досягненя договору о выпрацованю новой конштітуції по Сірію. Державы далше зачатком фебруара вырішыли зробити саміт о сітуації в Сірії в турецькім Істанбулі, причім точный термін не быв оголошеный. О Сірії в понедільок телефонічно бісідовали російскый презідент Владимір Путін і його турецькый колеґа Речеп Таїп Ердоґан. Лідры заміряли ся на способ, як іщі веце посилнити співпрацу так званого астаньского формату, значіть держав Росія, Турція, Іран і Сірія.