Нїмецькый сполковый канцеларь Фрідріх Мерз вызвав у четверь в Берлінї европскых споєнцїв, жебы выступовали єднотно і себаведомо, затоже подля нёго може Европа лем в такім припадї пересадити свої представы а стати ся в родячім ся новім світовім порядку самостатнов моцностёв. У владнім выголошіню, з котрым выступив перед посланцями Сполкового сейму (Bundestag), повів, же вельмоці вытваряють новый світовый порядок а дїє ся то скоро. Сполковый канцеларь підкреслив три области, на котры бы ся мала подля нёго Европа напрямити – мусить узяти свою безпечность до властных рук, господарьство ся мусить стати конкуренціїспособнїшым а Европа мусить выступовати єднотно.

(TASR, Шутіова)