Америцькый презідент Доналд Трамп погрозив уваліньом ціл на довоз з Европской унії і Кітаю як одповідь за їх цла на довоз гомарів з США. Трамп на стрічі зо заступцями рыбарів в місті Банґор  в штаті Маіне повірів свого обходного порадцу Петра Наварра, абы дослідив репресівны цла на авта з Европской унії і на нешпеціфікованы кітайскы выробкы. Америцькый презідент на тій самій стрічі єдночасно підписав приказ на моменталне одстраніня рештрікцій в рыболові, котры запровадив бывшый презідент Барацк Обама у водах на берегах Маіну. Тот штат на северовыході країны США є правда малый, але є выжнов сучастьов волебной мозаікы. В 2016-ім року там притім Трамп тісно програв. (TASR, Pkf)