Україньскый презідент Петро Порошенко присудив Орден одвагы новинарьові Романові Сущенкові, котрого в Росії одсудили за шпіонаж на 12 років арешту. Порошенко вручів тоту высоку штатну нагороду Шущенковій жені на вчерайшій вынятковій стрічі присвяченій 100. вырочу основаня аґентуры Укрінформ. Московскый містьскый суд 4. юна 2018 одсудив Сущенка на трест 12 років однятя слободы в строго страженій трестанецькій колоні. За словами російской Федералной безпечностной службы є Сущенко плуковником головной справы розвідкы. Зберав тайны інформації о російскых озброєных силах і Народній ґарді, котрых опублікованя „підкопало обраныспособність Росії“.
(TASR)