Село Сташківці, Стропківского окресу мать 250 обывателів і патрить меджі меншы села нашого регіону. Днесь найвекшым проблемом села є його задовженість,  про котру ся неможуть днесь пущати до реалізації векшых інвестичных проєктів. На першый погляд бы ся здало, же суть в нерішучій сітуації. Але правда є інакша. На так мале село якым суть Сташківці прецік суть дачім унікатны в  нашім регіоні, завдякы чого ся доповнює окрім іншого і сельска каса фінанціями. І де о  чісло активных подникательскых субєктів в селі. Потверджують то і слова старосты села Сташківці Петра Гойдіча, ,,на то, же в селі жыє лем 250 обывателів маме ту того пожегнані. Маме два склепы, дві корчмы, столярьску ділню, автосервіс, автобусову доправу, ковачску ділню, де наш ковач выраблять красны браны і маме ту вываровню в котрій ся варить їдло про нашых настаршых обывателів.Но, жебы єм незабыв, на єднім дворї, котрый маме по бывалых  штатных маєткох, маме і три фармы.“ (Pkf)