Намагы о вызнаня вєтнамской комуніты за офіціалну народностну меншыну на Словакії знова стали інтензівнішыма по списованю жытелів 2021. Про TASR то потвердив уповномоченый влады Словацькой републікы про народностны меншыны Ласло Буковскый. Минувшый тыждень стрітив ся з представительом вєтнамской комуніты на Словакії Вєт Ныґуєном, з котрым о тій проблематіці діскутовали. Ныґуєн інформовав Буковсого о писмі, котре загнали претставителі шестьох орґаніацій вєтнамской комуніты міністерці справеливости Марії Коликовій, з пожадавков о уділіня штатуту народностной меншыны. Кедьже тот процес леґіслатівно не є рішеный, Буковскый за властныма словами рекомендовав, жебы звернули ся до Міністерства загранічных діл і европскых справ, котре одповідать за меджінародны обовязкы Словакії в области меншыновых прав. Ку вєтнамскій народности в остатнім списованю приголосило ся 2793 жытелів, 489 людей собі єй дало як далшу народность.

(Медвідь, TASR)