Міморядне 44-те засіданя Народной рады Словацькой републікы ку опозічній пропозіції на высловліня недовіры міністрови транспорту Йозефови Ражови ся посланцям не подарило отворити ани на послідню четверту пробу. В пленумі было у віторок при другій презентації лем 62 депутатів, причім потребных є мінімално 76 присутных депутатів. По двох неуспішных пробах в понедільок і віторок предсидаючій Тібор Ґашпар міморядне засіданя закінчів. Пропозіця на высловліня недовіры міністрови транспорту буде пропонована як пункт слідуючого засіданя парламенту. Пропозіцію на одкликаня Ража ініціовали опозічны депутаты за парламентный клуб Slovensko – Za ľudí. Веце як 30 підписів потребных на міморядне засіданя здобыли од вшыткых опозічных партій. Головнов причінов на одкликаня суть подля опозіції желізнічны нещастя із попереднього періоду.

(Медвідь, TASR)