Америцькый презідент Доналд Трамп перед стрічов з україньскым презідентом Володиміром Зеленьскым неприпустив, же бы ся Крім вернув Україні, і же бы Україна вступила до НАТО. На соціалній сіті Truth Social написав, же є на Зеленьскім, жебы войну скінчів. Днешня стріча во Вашінґтоні ся одбыла за участі европскых лідрів, включно німецького канцелара, францюзького презідента і британьского премьєра. Основнов темов было безпечность Україны і російско теріторіялны пожадавкы. По недавній стрічі з російскым презідентом Владіміром Путіном Трамп змінил поступ од вызваня на примiря к гледаню комплексного мірового договору. Тот приступ выкликав меджі западныма союзниками страх, же бы Росія могла здобыти час на далшы теріторіалны здобытя. (TASR, Пкф)