Надація Пряшівского самосправованого края (ПСК) дала з крізового фонду понад 14 000 евр 22 жадателям, котры были пошкоджены од недавньой бурї. Председа справой рады надації Мiлан Маєрськый увів, же кажда особа може здобыти аж 750 евр. Фiначны средства были уж выплачены селам, котры сповнили условія меморандума, то значіть на час заплатили річный вклад. В окресі Пряшів была схвалена поміч про Терню (2250 евро про 3 жадателів) і Мошуров (4 200 евро про 3 жадателів). Про Кpачунівці в Свіднiцькім окресі была дана поміч у вышці 7 605 евро на оправу семеро домів. Староста Крачуновцїв Мiхал Болеш оцiнив, же про їх село є поміч значно высша, як повинный рочный вклад до фонду, коло 127 евр. Маєрськый тыж ознамив, же Надація ПСК вынятково продовжыла термін на підписаня меморандума і заплачіня вкладу до фонду на тот рік до кінця авґуста. В сучасности є частьов меморандума 125 зо 665 сел Пряшівского края, з котрых лем 67 сел мать заплачено вклад, причім на жытеля села ся платить 0,10 евр. Джерело фотоґрафії: ПСК/Facebook. (TASR, Pkf)