Пряшівскый самосправный край має за собов паспортізацію ціклістічных трас на своїй теріторії. Цільом было здобыти їх технічну евіденцію і детайлны інформації о елементах і обєктах, котры на них находять ся. Паспортізаційов перешло в пряшівскім реґіоні аж 145 біціґльовых стежок в цілковій довжці понад 3170 кілометрів. Конкретно край змаповав їх складность, поверьх ці тіп комунікації. Здобыты даны сприступнив у вебовій аплікації. Ціклотрасы суть означены в штирьох фаребных уровнях, котры выходять із методікы Словацького ціклоклубу. Із выконаного паспорту выходить, же 98 процент змапованых ціклотрас в пряшівскім реґіоні є, што до поверьху, у вынятково добрім, добрім або вгоднім стані.

(Медвідь, PSK)