Презідентка Зузана Чапутова днесь выменовала судцю Павла Надя за председу нового Найвысшого справного суду Словацькой републікы. Функчный період председы є пять років. Надя выбрала Судна рада за кандідата на председу єдноголосно 20-го апріля. Подля презіденткы має председа унікатну принагоду вести суд, котрый є без будьякого бремена з минулости і унікатну принагоду выбудовати суд, котрый надвяже на найліпшы традіції словацького судницьтва. Презідентка підкреслила, же перед Надьом є задача, жебы пересвідчів людей, же суд того тіпу Словакія і їй обчане потребують. Так само підкреслила, же Найвысшый справный суд має брати участь на охрані конштітучных прав і слобод, ці хранити обчанів перед припаднов свойвольов штатных орґанів.

(Медвідь, TASR)