Польска владна партія Право і справедливость здобыла в недільняйшых парламентных вольбах 35,38 процента голосів, но векшыну кресел в парламенті обсадить проевропска ліберална опозіція веджена Доналдом Туском. Выходить то з офіціалных резултатів по зрахованю сто процент голосів. Участь на вольбах была рекордных 74,38 процента. Тускова Гражданьска коаліція здобыла 30,7 процента голосів, Третя драга, в котрій суть і хрістіаньскы демократы, мала підпору 14,4 процента голосуючіх, до парламенту вертать по вісем роках і Лівіця, якій дало голос 8,61 процент людей, а остатнім субєктом, котрый перекрочів потрібный порог, жебы дістати ся до парламенту, є ултраправіцьова Конфедерація, котрій дало голос 7,16 процента воличів. Гражданьска коаліція, Третя драга і Лівіця мають понад 53 процент, і так мають векшу шансу складати нову владу, і закінчіти період партії Право і справедливость. Од 1990-го року першый раз не буде в парламенті партія, котра репрезентує німецьку меншыну.

(Медвідь, TASR)