Презідент СР Петер Пеллеґріні в недїлю (21. 12.) навщівить словацькых професіоналных вояків пособлячіх в Косові в рамках меджінародной місії The Kosovo Force (KFOR) під веджінём NATO. Іде о ёго традічну передрождественну путь за членами Озброєных сил СР в загранічу. TASR о тім інформовав одбор комуніакції Канцеларнї презідента СР. Пеллеґріні ся по стрїчі зо словацькым контіґентом пересуне до Белеграду, де абсолвує офіціалну навщіву Серьбской републікы як перша словацька голова штату по 16 роках. Навщіва є подля КП частёв серії путей презідента до держав западнёго Балкану з цїлём выражіня довгодобой підпоры СР европскій інтеґрації того реґіону. В Белеградї ся словацька голова штату стрїтить з презідентом Сербії Александром Вучічом, председнічков Народной громады Анов Бырнабічовов і председом серьбской влады Дуром Мацутом. В понедїлёк (22. 12.) ся Пеллеґріні з презідентом Сербії довєдна стїтить зо заступцями словацькой комуніты в Бачскім Петровцї.

(TASR, Шутіова)