Чехія ся на охранї словацького воздушного простору буде подїляти і в роцї 2026. У четверь о тім на соціалній сїтї X інформовало чеське міністерство обраны з тым, же ку підпису декларації дошло протягом телефонату нового чеського міністра обраны Яроміра Зуну з міністром обраны СР Робертом Калиняком. ,,Протягом говору діскутовали як о дотеперішній кооперації обидвох держав в обранї і обранно-промыселній кооперації, так і о можности розвитку в тых областях. В рамках рокованя дошло тыж ку підпису декларації о охранї воздушного простору Словеньска. Чеська републіка на єй основі буде учасна на воздушній охранї Словеньска і в роцї 2026,” увів чеськый резорт обраны. Калиняк Зунови зарівно заблагожелав ку новій функції а оцїнив ёго способности в резортї.

(TASR, Шутіова)