Председничка Европской комісії Урсула вон дер Леіенова очікує, же од будучого місяця буде в Европскій унії к діспозиції значні векше чісло вакцін протів захворіню COVID-19. ‟Од апріля ся тото множество подля плану выробців буде мочі знова здвократнити, і прото, же перед одобріньом суть дальшы вакціны, ‟ повіла то про днешнє выданя німецькых денників Stuttgarter Zeitung і Stuttgarter Nachrichten. Шефка Европской комісії очікує ‟в другім кварталі в середині коло 100 міліонів давок за місяць, цілково 300 міліонів до кінця юна‟, цітовала ю аґентура DPA. (TASR, Pkf)