Місто Гуменне по минулотыжднёвім землетрясїню зазначіло окрем іншого і шкоды на будові містьского уряду. Як інформує на вебовій сторінцї міста Маріян Шкуба з тискового реферату МсУ, єден зо штоків статік предбежным статічным посудком запер. ,,Прасклины стїн, опадана ваковка, посунутый бутор были одгалены в будові містьского уряду, головно на третїм, четвертім і пятім штоцї. Найгорша сітуація ся указала на найвысшім пятім штоцї, котрый статік предбежным посудком запер. Сполочна урядовня Птічє так была просторово пересунута на четвертый шток МсУ, “ увів Шкуба. Як повів, выпорожненый быв і архів одбору теріторіалного планованя, выставбы, жывотного окружіня, транспорту і зеленї.

(TASR, Шутіова)