Америцькый презідент Джов Байден навщівить в середу Ізраіль. Оголосив то америцькый міністер загранічных діл Антоні Блінкен по їднанях в Ізраілю, пише аґентура AFP. Ізраіль має подля шефа америцькой діпломації право і повинность боронити своїх жытелів перед рухом Гамас і далшыма терорістами. Байден подля слов Блінкена приходить до Ізраіля в рішучій хвілі про Ізраіль, про область Близкого выходу і про цілый світ. Америцькый презідент має почас навщівы їднати з премєром Бенъяміном Нетанъягу, пізніше має в Аммані стрітити ся і з палестіньскым лідером Магмудом Аббасом, еґіптьскым презідентом Абдалом Фаттагом Сісі, і йорданьскым кральом Абдаллагом ІІ., інфорумє аґентура AFP.

(Медвідь, ТASR)