x

Москва перервала єдность із Константінопольом

00

Російска православна церьков вырішыла перервати свої односины з Константінопольскым екуменічным патріархатом на протест проти схвальованю жадости Україны о автокефалію. Оголосив то в понедільок метрополіта Іларіон, голова вонкашніх односин Російской православной церькви. Інформовав о тім по засіданю сінода в білoруськім Міньску, котре скликав патріарха Кіріл, предстоятель церькви. Екуменічный патріарха Варфоломій 11-го октобра сняв анатему із лідрів двох неканонічных україньскых православных церьквей. Іларіон новинарям повів, же російска церьков не мала іншу можливость, як перервати евхарістічну єдность, што в практіці значіть, же священици Московского патріархату не можуть теперь служыти довєдна із священиками Константінопольского патріархату, і так само вірници, котры належать під Москву, не можуть ходити до церькви Константінопольского патріархату і приступати там ку тайнам.
(Медвідь, TASR)