З нагоды Меджінародного дня ромского голокавсту ся вчера в катедралі св. Мартіна в Братіславі одбыла упоминаюча свята літурґія за жертвы ромского голокавсту. Главным целебрантом  быв братіславскый архієпарха метрополіта і председа Конференції єпіскопів Словеньска Станіслав Зволенскі. Казательом быв ромскый княз Віктор Томчаній, котрого предкове были жертвами ромского голокавсту. Пісні в часі службы співали ромскы колективы з Чічавы, Бардійова і Ганушовець. На службі божій брали участь і премєр Іґор Матовіч, представителі влады, посланці парламенту, як і дальшы заступникы верейной справы. Памятный день ромского голокавсту є нагода припомянути собі події, котры ся одбыли в ночі з 2-го на 3-го авґуста 1944-го року, коли при ліквідації концетрачного лаґеря про Ромів в Авшвітц-Біркенав вмерло скоро 3000 ромскых мужів, жен і дітей. В часі войны прийшло о жывот скоро 500.000 Ромів. (TASR, Pkf)