Бывшый російскый презідент і сучасный підпредседа Безпечностной рады Російской федерації Дмитрій Медведєв в понедільок в аплікації Телеґрам написав, же його країна не чує жадны наслідкы выгощіня своїх діпломатів, а зназначів, же Росія буде реаґовати єднако. Інформацію принесла аґентура Associated Press. Одповідь Москвы подля Медведєва буде сіметрічна і ничіва про обидві стороны. Його высловы пришли по тім, што наперед Словакія выгостила 35 російскых діпломатів і поступно зачали придавати ся далшы державы. Німецько в понедільок выгостило аж 40 діпломатів, Літва выгостила амасадора і єдночасно авізовала, же покличе домів свого амбасадора в Москві. Выгостити „множество“ російскых діпломатів рихтує ся і Франція

(Медвідь, TASR)