Перелітом літецькой технікы Озброєных сил СР і споминковыв актом кладжіня вінців днесь о 10-ій годині в ареалі Памятника Словацького народного повстаня в Банскій Быстріці зачали цілоштатны ославы 75-го выроча СНП. Беруть на ній участь вшыткы троє найвышшы уставны преставителі  СР, посланці Народной рады СР, заступникы політичных партій, діпломатичных корпусів в СР, союзів і орґанізацій. На славностнім зібраню свої выступы прочітали презідентка Зузана Чапутова, председа НР СР Андрей Данко і премєр Петер Пеллеґріні. Як про пресову аґентуру TASR перед ославами сконштатував ґенералный директор Музея СНП Станіслав Мічев, „Є то єден з послідніх років, кедь собі вырочя СНП можеме припоминути і з прямыма участниками. Буде їх ту може десять – 12, прото ту треба  прийти, абы сьме дали честь жыючім участникам і так само тым, котры в бої были вбити або уж вмерли.“ (TASR, Пкф)